- Mit Zueschauer.-ohni MK Zwar dörfe widr Zueschauer ins Joggeli fürs Spil gege Thun abr d Muttenzerkurve blibt läär. Die zwei Geschterspil sind zwar verbii abr d Muttenzerkurve blib no mindischtens drei mol läär. Dr FCB het druckvoll gschtartet. Het sini Chance eimol meh nit chönne verwärte, erscht in dr 59' Minute isch dr Ball nach emene schöne Kopfball vom Majstorovic im Netz gsi. Hochverdient heissts jez 1:0 für Basel. Und es isch trotz emene grosse Chanceplus vom FCB bis am Schluss eso blibe. Jez reist dr FCB, am 24.08, mit emene kline Polschter uf Vaduz. - Fründschaftsspil gege Frauefäld Alässlich vom 100-jöröige Jubiläum vom FC Frauefeld findet am Dsischtig em 15.08 in Frauefld e Fründschaftsspil statt. In dr erschte Rundi vom Swisscom-Cup trifft dr FCB usswärts uf Liestal. S Spil findet am Samschtig em 26.08 am 6i in Liestal statt. Dr FCB verliert si letschts Geischterspil mit 2:3. Au gege GC cha dr neui Gooli Costanzo sich nit bewise, mindischtens zwei Gool muess är uf sini Kappe nä. Dr FCB goot zwar in dr 30' durch dr Maistorovic in fierig abr nur 7 Minute spötr glicht dr Sreto Ristic per Kopf us, dr Costanzo blibt noch emene Eckball uf dr Linie kläbe. 47' dr zweiti Fähler vom Costanzo: är blibt wie agwurzlet schtoo wärent dr Dos Santos mit emene Flatterball s 2:1 für GC schiesst. Nur 100 Sekunde (49') spöter heissts nach emene Schuss vom Renggli us 25m 3:1. Dr Aschlussträffer zum 3:2 schiesst dr Mladen Petric noch emene schöne Sololauf. Somit stoot Basel mit sine 4 Pünggt immer no uf em 6te Platz. Am Samschtig spilt dr FCB gege GC, das vor lääre Räng! Dr Trainer Christian Gross forderet e Sieg gege dr Erzrival. Im Gool stot dr Costanzo, dr Gross isch sich abr noni sicher öb är mit einem odr mit zwei Schtürmer spile wird. Dr Eduardo het sich gege St. Galle in dr Mitti vo dr erschte Halbzyt e Bändrriss vom Sprungglänk am linke Knöchel zuezoge, är fallt bis Mitti Septämber us. Dr FCB verliert in dr 3. Rundi vo dr Super-League uswärts gege St. Galle mit 3:2. St. Galle isch in dr 8' Minute noch emene Fähler vom Costanzo, wo hüt si Debut in RotBlau ka het,durch dr Aguirre in Füerig gange, in dr 44' het dr Aguirre zum zweite mol troffe. Dr Aschlussträffer für Basel het dr Petric in dr 49' gschosse abr 3Minute spöter het dr Costanzo wider miesse hinter sich länge und dr Aguirre lot sich zum drite mol fire. Dr Captain vom FCB, Ergic, het in dr 86' zum 3:2 und somit au zum Schlussresultat troffe. In dr zweite Quali vom UEFA-Cup trifft dr FCB uf Vaduz. Dr Challenge-League Verein chunnt am 10. Auguscht uf Basel und het am 24. Auguscht Heimvorteil in Liechtestei. Homepage FC Vaduz: www.fcv.li - 0:0 gege Tobol-e Rundi witer Mit emene 0:0 im UEFA-Cup Rückspil gege dr FC Tobol Kostanay in Kasachstan stoot dr FCB in dr zweite Rundi vo dr Quali. Nach em 3:1 Heimsig am het das torlose Unentschide glängt. Dr nöggschti Gegner wird am 28.Juli in Nyon usglost.
- Nur e 1:0 gege Vaduz
- Dr FCB trifft im Cup uf Liestal
- Näggschti Niderlag
- S zweiti und letschti mol ohni Zueschauer
- Eduardo mit Bänderriss
- Erschti Niederlag gege St. Galle
- Dr FCB trifft uf Vaduz